كثير من الناس تفكر و تعجب مما يحصل فى كل مكان فى العالم من استهداف للاسلام.. يقولون: كيف و هذا الدين الحق؟؟ كيف يستهان به؟؟ كيف يؤذونه و يمكرون له؟؟ اعزائى..هل نعلم ان كل ما يجرى على الارض و فى الكون هو من صنع الله و فى علم الله و مقدر من الله؟؟ الله هو الأغير على دينه.. الله له الحكمة و الامر.. لا احاول ولن احاول و لن استطيع ان اعرف ما هى حكمة الله سبحانه و تعالى.. كل صاروخ يطلق..يطلق بامر الله و علمه.. كل روح تزهق..تزهق بحول الله و امره.. بهذه الكيفيه و فى هذا الوقت.. اما هذا و ذاك.. فهم اسباب.. من اخطا سيحاسب و من ظلم فهو مبتلى و له اجره ان اعتبر و صبر.. و الدنيا دار ممر و ليست دار مستقر.. الفالح من اتقى و عمل للآخره.. و حسبنا الله و نعم الوكيل على الظالم و المفترى..فان الله هو العدل ذو القوة المتين.. و كل انسان مقدر له نصيب..سياخذه رغم انف كل العالم... مهما اجتمعت عليه الظروف او غلبته قوة الناس او حتى اذا اراد هو غير ذلك.. اذا له نصيب...ستاتى الدنيا له و هى راغمه و ان جرى منها.. و اذا له نصيب..سيصاب و ان عدى بحار العالم هربا منها.. كل مقدر و مكتوب.. ليس لنا الا التقوى و السعى.. و الصبر مفتاح الفرج!!
هى الحياه فعلا كده.. حبه فوق و حبه تحت.. شويه الواحد يحس ان الدنيا ضاقت بما رحبت..و شويه تبقى مش سايعاه.. ساعات..ساعات.. و على راى الشاعر.. غريبه..و غريبه..نفس اللى بيفرحنى ما يفرحنى.. و غريبه..نفس اللى بيجرحنى ما يجرحنى.. و الواحد ماشى و خلاص.. كل شىء فى الدنيا بيزيد و بينقص..حتى الايمان..و اللى مش حيبقى فى زياده..حيبقى فى نقصان.. ما فيش حاجه حتستنانا لحد ما ناخدها على مزاجنا...هى الحاجه الحلوه قوى بتيجى فجاه..يا نمد ايدنا فورا يا باى باى!! زيها زى الحاجه الوحشه..تيجى فجاه..و احيانا بالكوم.. عارفين حكاية كناس؟؟ كان فيه واحد سفير..احسن واحد ادا صوره حلوه عن بلده..ما كانتش في اى ازمه تستعصى عليه.. كل الناس كانت بتحترمه و تقدره.. و فى يوم و هو نازل من بيته..وقع و فقد الذاكره...نسى هو مين و رايح فين.. باع هدومه الفاخره عشان يلاقى ياكل..هام على وجهه فى الشوارع.. لغاية ما لقى راجل طيب اخده عنده...قاله: انت من النهارده حتعيش معايا فى العشه دى و حاشغلك معايا.. ايه؟؟ كناس... و بقى السفير يكنس شوارع البلد اللى كان بيمثله... و فى يوم لقى واحد بيقوله :ايه ده سعادة السفير؟؟؟ايه اللى عمل فيك كده..تعالى ..تعالى معايا..السفاره اهه...وراك..معقول انت كناس!!!! بصله السفير بعجب..و قاله : سفارة ايه يا بيه...ايوه انا كناس....و حابب ابقى كالناس!!!! احنا يا جماعه الدين هو اللى بيدينا قيمه..يا جماعه..اعتزوا باسلامكم..و بدينكم...لان ربنا خلانا سفره لدينه بس احنا نسينا.. ربنا قال:"كنتم خير امة اخرجت للناس .."....ليه؟؟؟ قال بقية الايه:"تامرون بالمعروف و تنهون عن المنكر" و المقصود هنا عمل الدعوه اللى النبى كلفنا بيه...احنا ممثلين هذا الدين..ازاى نتحول نبقى العيب الذى يؤخذ على الدين؟؟؟؟ اما انشغالنا الزائد بالدنيا..بيضيع خير كبير اوى علينا و على غيرنا.. و زى ما قالوا..دوام الحال من المحال.. و النبى قال فى حديثه" حق على الله الا يرتفع من الدنيا شىء الا وضعه " او كما قال صلى الله عليه و سلم.. و نطلب التثبيت.. و ارحموا عزيز قوم ذل!!
<<Home